Comezamos a celebración do Samaín bailando un pouquiño. Imos mover o esqueleto ao ritmo que marca o reloxo! Cantaremos a canción que tanto nos gusta dos MONSTRIÑOS de Mamá Cabra. Aparecen vampiros, momias, pantasmas... uhhh... que medo! Tamén cantaremos a canción do SAMAÍN de Paco Nogueiras. E, se nos da tempo, dous cortos de debuxos animados que nos encantan!
Ola, rapazas e rapaces! Nestes días que temos que quedar na casa irei propoñéndovos músicas para escoitar, pequenos exercicios que facer... sempre pensando en que cando vos conectedes a "MÚSICA NA DISTANCIA", ademais de aprender pasedes un ratiño agradable. Bicos virtuais para tod@s!