MÚSICA NA DISTANCIA

"I WILL SURVIVE" (en galego sobrevivirei), é unha canción soul interpretada pola cantante estadounidense GLORIA GAYNOR, lanzada en 1.978. É unha canción que invita ao optimismo e á superación persoal. Podedes escoitala AQUÍ , e de paso bailar un pouquiño! ACTIVIDADE: Animádesvos a facer un vídeo entre todos? Co material que enviedes faráse un vídeo que levará de fondo a canción que acabades de escoitar:  "I will survive".  Despois o vídeo publicaráse neste blog. Queremos transmitir unha mensaxe de ánimo, a idea de que xuntos imos saír desta. Que podemos enviar? : Imaxes (fotos vosas na casa, traballos plásticos de ánimo, debuxos positivos...) ou pequenos vídeos (que sexan moi curtos, gravados en horizontal e con boa luz) nos que saiades bailando, facendo exercicio, lendo... Onde os enviamos? : Ao correo musicanadistancia@gmail.com Agardo as vosas aportacións!! 

Premendo AQUÍ atoparedes un sinxelo xogo online para afianzar as notas musicais, axeitado para diferentes niveis. Agardo que vos divirta!

Nenos e nenas, imos tocar o piano virtual! No enlace que vos deixo AQUÍ aparecerá un pianiño no que podedes tocar melodías coñecidas ou inventar as vosas propias cancións! Para os máis maiorciños propoño un RETO: que intentedes tocar a partitura que aparece a continuación. Recoñecedes a melodía? Podedes mandarme as respostas a musicanadistancia@gmail.com

Esta entrada vai adicada aos máis pequechos do cole! Agora que vén o tempo de sementar as hortas, déixovos unha bonita canción que fala dese tema: "A HORTA DE BALBINA", de María Fumaça. Podedes cantala, inventar un baile... disfrutade con ela!! PREME AQUÍ PARA VER O VIDEO.

O CREBANOCES é un conto de fadas-ballet.  A historia que narra é unha adaptación do conto "Crebanoces e o rei dos ratos" de Hoffman. A música foi composta por TCHAICOVSKI entre 1.891 e 1892. O fragmento que traballaremos se titula "DANZA DA FADA DE AZUCRE", e a melodía é interpretada principalmente pola celesta, un instrumento que se fixo mundialmente coñecido por primeira vez a través desta danza. Agora que xa sabedes un pouco sobre O Crebanoces, premede no seguinte enlace para practicar ritmo sobre a melodía da "Danza da Fada de Azucre".  Facede unha primeira escoita silenciosa, lendo os ritmos mentalmente. Lede os ritmos moi baixiño, case susurrando (con TA e TITI). Facede os ritmos con percusión corporal (palmas, nas pernas...). Facede os ritmos con dous lápices, paus... a modo de baquetas.

Imos comezar facendo unha viaxe por Oriente. Escenas diferentes vanse desenvolver nun mercado persa da man do compositor inglés A. KETELBEY (S. XIX-XX) . É música descriptiva, iso quere decir que mediante a música se representan imaxes, escenas ou estados de ánimo, facendo que o oínte as imaxine. ESCOITA E SEGUE O MUSICOGRAMA       A obra componse de 10 escenas: Chegan lentamente os cameleiros. Os mendigos piden esmola. Aparece unha bela princesa. Os malabaristas no mercado. Os encantadores de serpes. Paseo do Califa polo mercado. Voltan as voces dos mendigos. A princesa prepárase para partir. Os cameleiros continuan o seu camiño. O mercado queda en silencio. AQUÍ PODES VER E ESCOITAR O TEMA Qué tal se..... Ilustramos entre todos as diferentes escenas con pinturas ou debuxos? Cada un pode elixir a escena que máis lle inspire, e cando voltemos ao colexio construiremos un gran musicograma entre todos!!!!