NUN MERCADO PERSA (semana 23 marzo)

Imos comezar facendo unha viaxe por Oriente. Escenas diferentes vanse desenvolver nun mercado persa da man do compositor inglés A. KETELBEY (S. XIX-XX). É música descriptiva, iso quere decir que mediante a música se representan imaxes, escenas ou estados de ánimo, facendo que o oínte as imaxine.

ESCOITA E SEGUE O MUSICOGRAMA

A obra componse de 10 escenas:

Chegan lentamente os cameleiros.
Os mendigos piden esmola.
Aparece unha bela princesa.
Os malabaristas no mercado.
Os encantadores de serpes.
Paseo do Califa polo mercado.
Voltan as voces dos mendigos.
A princesa prepárase para partir.
Os cameleiros continuan o seu camiño.
O mercado queda en silencio.

AQUÍ PODES VER E ESCOITAR O TEMA

Qué tal se.....

Ilustramos entre todos as diferentes escenas con pinturas ou debuxos? Cada un pode elixir a escena que máis lle inspire, e cando voltemos ao colexio construiremos un gran musicograma entre todos!!!!

Comentarios

Entradas populares de este blog

PREGUNTOIRO MUSICAL 2020 (semana 18 maio)

O "Preguntoiro Musical 2020" é un traballo realizado nesta dura etapa de confinamento por J.M. López Cabana, para dar a coñecer a través dun xogo-canción, datos importantes da vida e obra de Don Ricardo Carballo Calero, autor homenaxeado no Día das Letras Galegas 2020. Agardo que vos divirtades ao mesmo tempo que aprendedes sobre RICARDO CARBALLO CALERO. Podedes cantar o retrouso e facer os xestos, e intentar acertar as preguntas que fan sobre o escritor. ESTE 2.020 É MOI SINGULAR O CORONAVIRUS NON NOS DEIXA TRABALLAR DE CARBALLO CALERO EU VOUCHE PREGUNTAR PRA VER O QUE SABES E SE PODES CONTESTAR. Non é necesario que me enviedes nada esta semana, pero se vos gusta podedes facer un comentario na entrada do blog.

EU TEÑO ALGUÉN (semana 15 xuño)

Ola nenos e nenas, chegou a hora de despedirnos. Desfrutade moito do verán, que o tedes ben merecido! Unha vez máis grazas, familias, pola vosa colaboración: mamás, papás, avós, avoas, irmáns maiores... grazas a todos! Imos despedirnos coa canción "EU TEÑO ALGUÉN" de María Fumaça. Todos temos a alguén no noso corazón... e eu vos teño a vós! Ata o próximo curso!!!

OS MAIOS (semana 11 maio)

Hoxe quero falarvos da tradición dos MAIOS. É unha das tradicións mais antigas de Galicia. O día primeiro de maio, nos lugares onde se conserva a tradición, sácanse á rúa unhas estruturas de madeira con forma de cono que se cubren con fiuncho, musgo e outras plantas e flores. Co desfile dos maios polas praza dos pobos, facémoslle homenaxe á chegada da primavera. Os nenos e nenas cantan arredor dos maios pequenas COPLAS acompañados duns paus, cos que fan ritmos. As coplas falan dalgún personaxe do pobo, dalgún tema de actualidade, nun tono de crítica e con moita retranca! PROPOSTA Nº 1: Imos cantar os maios con HABELAS HAINAS e aprender un dos ritmos tradicionais dos maios, que podemos tocar con dous pauciños que teñamos pola casa. TA-TITI-TA-TA PROPOSTA Nº 2: Crear coplas para facer un maio reivindicativo co que está a acontecer ou como o está a vivir cadaquén … Como estás vivindo este maio. Eu xa fixen a miña: Maio Maio chega a Coiro Vén con fentos...

MÚSICA NA DISTANCIA

Buscar este blog